Translate

Wednesday, September 24, 2014

September langi í....................

Já þessa dagana langar mig í ótrúlega margt en verð að láta mér nægja að láta mér langa í það haha.  Koma tíma og koma ráð og kannski verð ég heppin einn daginn.

Múminálfa bollarnir eru æðislegir, ég er að safna þeim. Ég fékk 4 í afmælisgjöf en langar í fleiri þannig að allir geta fengið þegar við erum með afmæli eða boð.  SVOOOO SÆTIR.


Hér eru 2 stórir , eins og fyrir mig sem drekka te en ekki kaffi.
Sumarbollinn 2014

Þessi var geffin út í tilefni af 100 ára afmæli höfundar Múmínálfanna
+
Hér eru svo fleiri sætir bollar

Svo eru auðvitað til fullt af fleirum æðislegum múmínbollum og mig langar í þá alla hahahaha.



Thursday, September 11, 2014

Loro Parque

Í fyrri vikunni okkar á Tenerife fórum við í Loro Parque, mjög fallegan og flottan dýragarð.  Hann var risastór með allavegana 3 risastórum sýningarsundlaugum og fullt af fleiri skemmtilegum stöðum og fullt af fallegum framandi dýrum.  Við náðum ekki að sjá allan garðinn svo stór var hann , og rútan sem náði í okkur hjá hótelinu kom allavegana 40 mín of seint  Ég held að bæði við fullorðna fólkið og strákarnir höfum öll skemmt okkur rosalega vel.

Byrjar maður ekki alltaf á byrjuninni.  Loksins kom rútan okkar og við tók ca klst akstur í dýragarðinn, Loro Parque.



Ég tók eftir því þegar ég var að taka þessar myndir saman að Kiddi minn var alltaf fyrir aftan myndavélina, hann var samt með í ferðinni.  Kannski Benni eigi skemmtilega mynd/myndir af honum.


Hér erum við komin inn i garðinn og þetta umhverfi tók á móti okkur.



Górillan var nú ekki mikið að æsa sig þótt hundruðir eða þúsundir af fólki var að glápa og hlæja að rólegheitunum hans.  Hann lét bara fara vel um sig og kippti sér ekki upp við áhorfendurnar.


Í garðinum voru þó nokkrar svona bronsstyttur og við töluðum við þær flestar.


Hér sjáið þið Vikinginn minn að skoða fiskana.


Við töluðum við þetta sæljón áður en við fórum á sýningu með þeim.


Sýningarlaugin fyrir sæljónin
Við flotta fjölskyldan og Kiddi hinumegin við myndavélina , spennt að biða eftir fyrstu sýningu dagsins.





Kári var ekki alveg viss með risaskjaldbökuna


Svo voru það höfrungarnir, sýningarlaugin þeirra




Á leiðinni yfir á þriðju sýninguna sáum við hvítt tígrisdýr, svo fallegt
Þau voru reyndar 2 , hitt lá tignarlegt á góðum stað og horfði á okkur mannfólkið.  Hvor var að skoða hvern ?



Þarna var þessi risaskjár með fullt af upplýsingum.







Við sáum reyndar engan fíl en fundum þennan flotta bronsfíl, og Vikingur var nógu kjarkaður til að setjast á bak.  Það sem hann var stoltur af því :)


Kári Steinn hékk á tönninni í staðinn, fílsbak var of mikið fyrir hann.


Síðasta sýning dagsins hjá okkur var páfagaukasýningin

Dýr geta líka verið pepsisjúklingar , ég skil það nu bara ekki þar sem ég hef aldrei getað drukkið þennan drykk hehe.

Yfirlit yfir dýragarðinn


Sumir voru mjög þreyttir og sváfu alla leiðina heim.

Kveðja og knús 
Prjónarós





























Monday, September 8, 2014

Sumarið leið.........

............ og eiginlega ekkert heyrðist í mér.  Það var einfaldlega einum of mikið að gera hjá mér þannig að ég tók mér gott sumarfrí frá blogginu.


Við fjölskyldan höfum gert margt og mikið saman í sumar.  Við gengum upp á úlfarsfell, hálfa leið að Búrfellsgjá frá Helgafelli.  Kiddi fór 21 km í maraþoninu og svo hlupu strákarnir styttri leiðina í latabæjarhlaupinu og við foreldrarnir líka.  Við fórum til Tenerife ásamt mömmu minni og bróður og margt fleira.

Ég prjónaði ekki mikið í sumar, 1 og hálft sjal ( er enn að klára sjal nr. 2 ) , byrjaði á sjali nr. 3 og var komin langleiðina með það þegar ég uppgötvaði að það var 30 lykkjum styttra öðru megin og ég sá ekkert hvar villan byrjaði.  Þannig að þar sem ég lá á sundlaugarbakkanum á Tenerife rakti ég upp sjalið og ætla að byrja á því aftur. Vonandi klárast það fyrir jól :)

Ég var rosalega dugleg í ræktinni og það er ekki hægt að líkja því saman hve sterkari ég er andlega og líkamlega miðað við hvernig ég var í byrjun janúar.  Segi ykkur leyndarmálið seinna í vikunni.

Hérna eru nokkrar myndir af okkur frá fyrstu dögunum á Tenerife.

Við lögðum af stað í loftið kl. 8 eitthvað um morgunin, ég, Kiddi, strákarnir, mamma og Benni.  Við vorum að fara i boði mömmu til að halda upp á 60 ára afmælið hennar.  Kári Steinn hafði aldrei farið í flugvél og hann var svakalega spenntur en Víkingur hafði farið með mömmu til Danmerkur seinasta janúar og var því að fara ( eins og hann sagði sjálfur ) í flugferð nr. 3 !



Flugferðin gekk vel, strákarnir voru rólegir og fengu að prófa nærri því öll 6 sætin sem við vorum með.

Það beið svo rúta eftir okkur á flugstöðinni sem keyrði okkur á hótelið.  Ég, Kiddi og strákarnir vorum með eigin íbúð og mamma og Benni með aðra.  Æðislegt hótel, Parque Santiago III.

Hérna er útsýnið af svölunum okkar.


Herbergin voru flest á 2 hæðum og fyrir miðju sjást mamma og Benni á svölunum á neðri hæðinni hjá sér, veifandi.

Séð út yfir hótelgarðinn, okkar megin.

Í strákofanum var hægt að fara i ræktina, sem ég nýtti mér nokkrum sinnum.


Hérna sést svo í íbúðina okkar, hún er efst fyrir miðju, einnig á 2 hæðum.
Séð út frá svölunum hjá mömmu og Benna.


Hér borðuðum við morgumatinn. 



Hamborgarinn hans Kidda á kvöldi nr. 2




Þið fáið að sjá meira af ferðinni og öðru sem við gerðum í sumar.

Kær kveðja 
Prjónarós