bleik Tinna

Garnið sem ég valdi í þessa peysu heitir Merino soft Superwash og er það 100 % hrein merinoull.  Prjónastærð 2,5 og uppskriftin er úr Tinnu ÝR 41, uppskrift nr. 1.  Litirnir sem ég valdi eru númer 41 ( þessi bleiki ) og úr Lotu 5, Litur 1 ( þessi hvíti ) úr Lotu 15 og þessi grái er 01 úr Lotu 3.

Stroffið tilbúið og byrjuð á búknum

Fyrsti hnykillinn búinn, 9 cm af  21 cm.

Tilbúin

Hérna sést aftan á þessa.

Þessi peysa er til sölu.

Langaði að sýna ykkur þessa snaga sem frænka mín var að gera.  Við erum svo heppin að eiga 3 snaga frá henni eins og sést á myndunum hér fyrir ofan.

Ulrik og Július

Ég er svo lánsöm, hamingjusöm og glöð, allt í einum pakka.  Ingileif vinkona mín, mamma þeirra krúttbræðra Júlíusar og Ulriks , gaf mér leyfi til að setja mynd af þeim bræðrum hingað inn.  Jújú annar þeirra er í peysu sem ég hef prjónað.  Ég er að sanka að mér myndum af þeim sem hafa fengið peysu frá mér og vil endilega sýna ykkur hvernig þau líta út, bæði peysan og barnið :)

Þessir fallegu bræður búa í Danmörku og vaxa allt of hratt.  Ég sé þá bara allt of sjaldan.  Mamma þeirra er ein af mínum bestu vinkonum síðan við kynntumst á 1 ári í MH.  Við höfum brallað margt saman bæði hér heima og úti í heimi og það eru ekki margar sem eru jafn trúar vinum sínum og hún Ingileif.  Við erum svo heppnar að tilheyra æðislegum 10 stelpna vinahópi ( hópurinn er þó orðin mun stærri núna með tilkomu maka og margra barna ) sem kynntist þarna á 1 árinu í MH og höfum haldið hópinn síðan.

Blámi

Víkingurinn minn stækkar með miklum hraða þessa dagana og allt í einu tók ég eftir því að hann var vaxinn upp úr nær öllum þykku peysunum sínum.  Þannig að ég fór á stúfana til þess að finna peysu fyrir drenginn og auðvitað vildi ég prjóna peysuna handa stóra stráknum minum.  Þar sem litla prjónabúðin er næstum þvi við hliðin á vinnunni hans mannsins míns þá er afskaplega freistandi að kíkja þangað öðru hverju :)

Ég fann þessa peysu þar

Ég valdi þessa liti.

Stroffið tilbúið

1 hnykill af gráu búinn

Búkurinn, önnur ermin og byrjuð á seinni erminni búinn

Munstrið á peysunni búið

Peysan búin en hettan eftir.

Ég var svo sannfærð um að þessi peysa væri akkúrat á Víkinginn minn.  Mikið hafði ég rangt fyrir mér hehe,  Þessi peysa er nú heldur stór fyrir drenginn minn þannig að ég býst við að hún muni duga honum næsta árið hehe.

Rennilásinn kominn og einungis eftir að klára hettuna.

Kem svo vonandi fleiri skemmtilegar myndir af þessum fallega strák í peysunni.

Kær kveðja Prjónarós

2 ný verkefni

Verkefnin mín eru búin og þá er að finna sér ný verkefni.  Ég á svo svakalega mikið af léttlopaafgangi og fann barnapeysu í Lopa 31 sem heitir Sara.  Sniðið á peysunni er ansi stelpulegt en með þvi að laga það þá get ég notað allan þennan bláa lopa sem ég á.  Þannig að afgangspeysa varð fyrir valinu.

Hér eru allir litirnir sem fara í þessa peysu.

Þar sem ég get ekki verið með bara eitt verkefni þá byrjaði ég á einni afmælisgjöf handa frænku strákana.

Hér eru litirnir i afmælispeysuna, bleiki er aðalliturinn.  Þetta er 100 % merinoull, afskaplega mjúk.

fram fram , aldrei að víkja.......

....... Við fórum um helgina niður í laugardal.  Fallegt haustveður, gul laufblöð og Kári Steinn var í fantastuði á hlaupahjólinu.

 

 

 

 

 

Knús í krús

 

Prjónarós

 

 

Næsta prjónaverkefni

Þá er komið að þvi að Ulrik , litill vinur minn fái peysu :)  Ætla að prjóna á hann sömu peysuna og ég prjónaði á Víking um daginn

Nema Ulriks peysa verður í öðrum litum.

Mun setja inn myndir eftir hverja dokku.

Næsta verkefni og fyrrum verkefni

Næsta prjónaverkefni :)

Alltaf skemmtilegt að byrja á nýjum verkefnum og nu er ég búin að ákveða hvaða flík verður fyrir valinu.  Kjóllinn Alda úr litlu prjónabúðinni verður prjónuð um leið og ég hef klarað 3 peysur sem eru komnar á lokastig. 

Hérna eru garnið sem ég ætla að nota í kjólinn, yndislega mjúkt bómullargarn.  Þar sem ég á stráka þá nota ég hvert tækifæri til að prjóna bleikt og kjóla :)

Ég náði að klára peysuna á Víking Atla i gær, prjónaði seinustu umferðinar á slyso ( eg er  alltaf með prjonadótið með mér ef timi skyldi verða til svo ég geti gripið í þá ).  Kári Steinn húrraði niður litla brekku á hjoli hjálmlaus og fékk þessa svaka kúlu á hausinn.  Sem betur fer er hann með harðan haus og fekk engan heilahristing en var ansi þreyttur allt gærkvöldið.  Þvi miður gleymdist að taka mynd af kulunni hehe þvi hún var horfin í morgun, bara sárið eftir. 

Hér á eftir að ganga frá lausum endum og koma peysunni svo til tengdamömmu sem saumar hana og klippir og þá get ég prjónað lista á peysuna og fest á hana fallegu tölurnar sem mamma keypti handa mér. Fallegu tölurnar eru úr birki.

Hinar 2 peysurnar sem ég á eftir að klára eru 1 lopapeysa sem ég á eftir að ganga frá kanti og festa á tölur og svo önnur úr 2x kambgarni en þar er aðeins meiri vinna eftir ( 1/2 ermi og allur bekkurinn er eftir hehe ).

Skólapeysa i vinnslu

Stóri strákurinn minn er að fara að byrja í skóla.  Alveg ótrúlegt hehe.  Eg ákvað að prjóna handa honum peysu sem hann geti verið í inni i skólanum :)  Ég sá þessa sætu peysu a´forsíðu á Tinnu Ýr nr. 41 ( minnir mig, Kári Steinn reif forsíðuna af haha ).  Ég hef reyndar prjónað hana áður á Kára Stein úr lanet garni en núna nota ég kambgarn.  Ég nota líka stærri prjóna , nota prjóna nr. 3,5 og 4 i stað 2 og 2,5.  Þetta kemur ansi vel út þótt ég segi sjálf frá. 

Hérna sést peysan sem ég prjónaði handa Kára Steini, lanetull , prjónar nr 2 og 2,5 ( eilífðarverkefni ).  Núna ætla ég að hafa hana opna með rennilás, mjög spennt að sjá hvernig hún muni koma út.

Ekki mikið eftir :)

Litir

Ég er með 3 verkefni i vinnslu þessa dagana.  Eitt sem ég hef verið að vinna í lengi en það er nærbolur á Víking Atla, svo er ég að prjóna á ullarpeysu sem á að vera tilbúin áður en hann byrjar í skólanum og svo peysu á sjálfa mig. 

Hérna sjást litirnir í barnapeysuna og byrjunin á bolnum.

Hér sést stroffið á annarri erminni á dömupeysunni sem ég er að prjóna.

Vonandi fer ég að verða betri í handleggnum svo ég geti verið fljótari að prjóna :)

Haustpeysan

Þá er hún komin, lítil hekluð hexagon peysa sem passar áreiðanlega á svona 1 árs barn :)

Mjög skemmtilegt að prjóna þessa peysu og ég mun pottþétt hekla meir í framtíðinni.

Haustpeysa

Hekltímabilið 1. maí - 16. maí

1. mai

Ég er að fara á heklnámskeið og ætla að læra að hekla barnapeysu.  Hlakka mikið til.  Fór og keypti 4 liti i peysuna og nú er að sjá árangurinn.

3. mai

Fór á fyrra heklkvöldið i gærkvöldi og mikið var það skemmtilegt.  Svo óheppilega vildi til að ég rak hægri handlegginn eitthvað i í nótt þegar ég var að sinna Kára Steini og nu er ég stokkbolgin á framhandleggnum.

Hér má sjá árangurinn frá því i gær.

4. mai

Auðvitað gat ég ekki hætt að hekla þrátt fyrir bolgin handlegg og hér má sja afrakstur gærdagsins.

Meira seinna.

Ps. það væri voða gaman að fá viðbrögð hvernig ykkur finnst þetta vera hjá mér.

Krummapeysan min

Hér er nýjasta peysan mín sem ég hef klárað :)  Krummapeysan mín.  Fór gróflega eftir uppskrift fra Litlu prjónabúðinni en breytti henni eftir mínum hentugleika.  Hun er er úr 2x plötulopa.  Passar a ca 6 ara.

Þessi er til sölu.