Fjölskylduafmælið hans Kára Steins 5 ára

Seinasta sunnudag , 24. maí 2014, héldum við upp á 5 ára afmælið hans Kára Steins fyrir fjölskylduna. Drengurinn var alveg svakalega spenntur fyrir veislunni.  Hann hjálpaði pabba sínum að baka afmæliskökuna, já í þetta sinn kom ég ekki nærri þeirri köku en sá um margt annað ;)

Hér má sjá þá stoltu feðga með afmæliskökuna.

Drengurinn hugsar varla um annað en fótbolta þessa dagana þannig að það var ekki um annað að ræða en að hafa fótboltaköku fyrir hann.  Enginn fondant í þetta sinn, góð súkkulaðkaka með lituðu kókosmjöli ofan á.

Veisluborðið , það er bananabrauð þarna undir viskustykkinu, gleymdist að kippa því frá þegar ég tók myndina.

Magnoliukökurnar mínar, svo góðar. Hér er uppskriftin  Ég fann 5-una í Söstrenes grene.

Afmæliskakan, uppskriftina má finna hér

Góð skyrterta, skelli inn uppskrift af henni seinna í vikunni

Gulrótarköku poppcakes

Framlag Vikings Atla til afmælisins, 2 grænmetiskarla ( þeir bræðurnir )

Axel frændi að klæða Kára í hjólaskautana sem hann fékk frá þeim.

Kári Steinn fékk heilmikið af útidóti í afmælisgjöf ásamt lego og playmo og fötum.  Nú er eins gott að hann geti verið mikið úti í sumar svo hann geti nýtt allt þetta flotta dót, frisby frá bróður sínum, jafnvægishjól frá okkur Kidda, fótbolta, stuttermabol og flotta tösku fyrir ferðalagið í sumar frá ömmu sinni og afa í Garðabænum, hjólaskauta frá Axel, Hildi og stelpunum og Bjarka og Kristínu, svo fékk hann flottar kvartbuxur, hlýraboli og stuttbuxur frá ömmu Ásu , lego frá ömmu Ásu og Benna frænda og indjánaplaymo frá Önnu Maríu.

Öryggisbúnaðurinn í lagi hjá drengnum

Prófa að renna sér

Þessi 5 ára fallegi piltur var afskaplega ánægður með daginn og þá er markmiðinu náð.

Kv. Afmælismamma

Langt síðan seinast

Sælt verið fólkið ( eða getur maður ekki sagt þannig ).

Síðan ég skrifaði seinast hefur margt gerst. Litli maðurinn minn varð 5 , ég hef heimsótt 2 lönd og nú er ég í próflestri.  Ég hef líka verið í svakalegu átaki ( lífstílsbreytingu ) frá því í janúar og er svakalega ánægð með útkomuna.  Ég var mikið að pæla i því hvar ég eigi að byrja enda af mörgu að taka í þessu bloggfríi mínu.

Ætli það sé ekki best að byrja á afmæli Kára Steins.

Við gáfum honum afmælisgjöfina 2 dögum fyrir afmælið.  Ástæðan var ekki su að við gátum ekki beðið heldur var hún sú að ég var ekki heima á afmælinu hans heldur i útlöndum og okkur ( lesist mig ) langaði svo að sjá viðbrögðin hjá honum þegar hann opnaði gjöfina.
Hjá mínum strákum er það draumur að eignast STÓRAN pakka, þeir hafa ekki enn uppgötvað verðmæti litlu hlutana. En hey þeir eru bara krakkar og eiga að fá að njóta þess.  Við ákváðum því að gefa Kára Steini stóran pakka sem mun líka nýtast honum vel og hjálpa honum að þroskast og auka hreyfifærni hans.

Hann varð alveg himinlifandi og að sjálfsögðu vildi stóri bróðir hjálpa að opna pakkann.

Sá yngri gat þetta alveg sjálfur.

Það sem hann var stoltur að fá jafnvægishjól.  Hann á tvíhjól en hann fæst ekki til þess að setjast á það.  Hann er ekki enn með jafnvægið á hreinu og þetta hjól mun hjálpa honum að öðlast það sjálfstraust sem hann þarf til að geta farið að hjóla á tvíhjóli.

Ánægður snáði

Hann var svo úti að hjóla það sem eftir var dagsins eða æfa sig.

Knús og kveðjur 

Skartgripir

Ég fór um daginn ásamt Eydísi , systur hans Kidda, og Hildi, konunni hans Axel ( bróður hans Kidda ) á skartgripanámskeið hjá Glit.  Ég gerði eitt armband á námskeiðinu og lærði svo að nota vir og allskonar festingar, lása og eyrnalokka.  Hlakka til seinna i vor þegar ég fæ tíma til að prófa mig áfram.

Víkingur Atli fór um daginn i afmæli til bekkjarsystur sinnar og þá var nú gott að kunna að búa til armband.  

Hér er armbandið sem hann gaf Iðunni Helgu

Víkingur Atli gæti orðið fínn sem handafyrirsæta