bakarameistarinn...

hann Víkingur Atli, eldri strákurinn minn, kom færandi hendi úr skólanum í gær.  Hann hafði farið í heimilisfræði i skólanum og hjálpað til við að baka Muffins.  Það sem hann var glaður að geta boðið upp á eftirrétt i gærkvöldi.  Það var alveg athöfn að leggja á borðið eftir matinn, setja kökurnar á disk og bjóða svo hverjum og einum upp á eina möffins :) 

 

Er hann ekki yndislegur hann Vikingur Atli ,stolti bakarameistarinn?

 

Knús í krús

Prjónarós

Vikingurinn minn....

..... á afmæli í dag og er orðinn skólastrákur :)

 Það getur sko verið erfitt að vakna snemma til að fara í skólann.  En í dag var það nauðsynlegt því það var fyrsti skóladagurinn hjá honum og auk þess varð hann 6 ára í dag.

 

Það er hinsvegar æðislegt að fá pakka .

Það eru ekki allir 6 ára strákar sem eru himinlifandi að eignast ný föt i afmælisgjöf en Víkingur Atli varð bara ansi ánægður með að fá nýjan stuttermabol og síðermabol frá bróður sínum

Frá mömmu sinni og pabba fékk Víkingurinn þessa peysu sem ég var fram á miðnætti í gærkvöldi að klára og er bara ansi stolt af :)

 

Síðan var komið að því að fara í skólann.

 

 

 

Stór strákur

Í seinustu viku átti sér stað sá merkisviðburður að Víkingur Atli , stóri strákurinn minn , útskrifaðist úr leikskólanum sínum Sólborg.  Reyndar hættir hann ekki strax, ekki fyrr en í ágúst en þarna var útskriftin svo allur hópurinn myndi vera samankomin :)  Útskriftin var frábær og drengurinn okkar var heldur betur montinn með sjálfan sig og þessari sýningu.

 Fyrst sungu þau lag við ljóðið Þúsaldaljóðið en þau hafa verið að vinna við það í vetur og bjuggu til þessa flottu útskriftarmöppu með verkefnum vetrarins og einnig var þar að finna myndir og minningar úr leikskólanum.

Síðan voru þau kölluð eitt af öðru og færð útskriftarmöppuna og tekið í höndina á þeim og þeim óskað til hamingju með útskriftina og þau þökkuðu öll fyrir sig ( eitt í einu ) með háu Takk .

Siðan sungu þau með táknum og hljóðum lagið Traustur vinur.  Ferlega flott hjá þeim.  Yndislegir gítartaktarnir hjá syni mínum. 

Neyta því ekki að mamma ég var ansi meyr við þetta hehe.

Sama dag og útskriftin var fór stóri strákurinn okkar á kynningu á skólanum sínum.  Hann var ofurspenntur yfir heimsókninni og hlakkaði mikið til.  Samt var þetta ansi ógnvekjandi og fullorðins þannig að það var mjög gott að hafa mömmu sína og pabba með sér þegar hann fór í fyrsta sinn inn í kennslustofuna.

Tíminn liður stundum allt of hratt.