Má ekki seinna vera...

.... en að minna á þennan merkilega dag en í dag eru

Hehe, alveg frábært :)

Frost

Það er ekki á hverjum degi að ég prjóna á elskuna mína hann Kidda.  En um daginn náði ég að klára peysuna Frost ur lopablaðinu nr 29.  Hún er prjónuð samkvæmt uppskriftinni á álafosslopa á prjóna nr. 4,5 og 6.

SKÁL !

Afmæliskaka

Tengdapabbi verður 60 ára á morgun en hann var með meiriháttar matarboð fyrir börn, tengdabörn og barnabörn á sunnudaginn ( fæ enn vatn í munninn við tilhugsunina af nautakjötinu ).  Við Kiddi ákváðum að koma tengdapabba á óvart og bökuðum ( lesist ég bakaði og skreyti, Vikingur hjálpaði til við að baka og Kari þvældist fyrir ) handa honum tertu.  Auðvitað notaði ég tækifærið og æfði mig með sykurmassann og þar sem karlinn er mikill stjörnumaður þá varð það fyrir valinu.

Jarðaberjafromas

Uppskrift úr kökubók Hagkaups, bls. 22

Svambotnar :

4stk egg
150g sykur
100g Hveiti
50g kartöflumjöl
1 tsk lyftiduft

Fromas :

250g ber, ég notaði frosin skógarber
2  msk sykur
6 stk matarlím
2 1/2 dl rjómi

Svampbotnar

• Þeytið saman egg og sykur
• Sigtið þurrefni saman við og blandið saman með sleikju
• Setjið i 2 lausbotna 26 cm form
• Bakið við 230°C í 8-10 mín

Fromas

• Maukið 3/4 af berjunum i mixer, blandið sykri saman við.
• Leysið upp matarlimið i köldu vatni og blandið saman við
• Setjið restina af berjunum og blandið saman við'.
• Þeytið rjomann og blandið svo saman við.

Setjið í springform og hafið efri botninn aðeins minni þannig að hann hverfi.  Setjið fromasinn ofan á neðri botninn, setjið næsta botn og svo rest af kreminu.
Kælið í 3-5 tíma eða yfir nótt.

Nokkrar myndir af rósunum sem ég gerði

Kjúlli

Kjúklingasúpa

Það var ákveðið að einu sinni í mánuði munu Kiddi og systkini hans ásamt foreldrum, mökum og börnum hittast og borða saman.  Við skiptumst á að halda súpukvöldið 1 x í mánuði og við byrjuðum.  Ég bjó til kjúklingasúpu með grænmeti og var með brauð með.

Út í súpuna settum við nachos.

og ost....

og guacamole, tacosósu, sýrðan rjóma og ostasóstu

Ég notaði tómatsafa í undirstöðuna, grænmetiskraf, nautakraft, hvítlauk , púrrulauk og vorlauk

Sætar kartöflur, tomatar, kirsuberjatómatar, sveppir, gulrætur, paprikur

mmmmm

nammi namm

Hugmyndir

Þessa dagana er framkvæmdarviljinn mikill en ég kem litlu sem engu i framkvæmd ;S.  Ég keypti fallega hillu í Góða hirðinum um daginn og ætla að mála hana í öðrum lit en handleggurinn minn er enn í hálfgerðum lamasessi þannig að ég kem litlu í verk þessa dagana, því miður.  Einnig langar mig mikið til að gera herbergið hans Víkings Atla mins fint, huggulegt og strákalegt og hausinn er alveg á fullu.  Ég er búin að finna gardínuefnið og sé herbergið alveg fyrir mér með þær og hvað er hægt að gera í viðbót, eini gallinn er að gardínuefnið er heldur dýrt.  Ætlum að mála herbergið, allavegana 1 vegg og setja á veggina myndir, kaupa handa honum skrifborð því hann er jú að byrja í skóla í haust.  Nota það sem til er og bæta svo við til að fá meiri hlýleika í herbergið þvi það er ansi kalt og tómlegt eins og það er núna.  Mig langar að honum finnist herbergið sitt vera sinn griðarstaður og að honum líði vel þar inni og vilji leika við dótið sitt þar INNI hehe.

Annað sem mig langar að fara að gera er að koma myndum af strákunum í ramma og koma þeim upp á veggina.  Stundum er framkvæmdarviljinn meira i höfðinu en að koma þessu í raun og veru í framkvæmd. 

Næstu dagar fara sem sagt í það að hugsa um það sem mig langar til að gera og skoða mig um hvað er í boði fyrir stóra strákinn minn og hvar er hægt að fá hlutina ódýrast.

Pönnukökur

Ég elska pönnukökur en þvi miður bý ég þær allt of sjaldan til.  Í gær ákvað ég að gera smá skammt af pönnukökum til að gleðja hetjuna mina hann Viking Atla.  Hann var heima hjá mér í gær að jafna sig eftir að fá gifs á báða fætur ( verið að teygja á vöðvum og sinum í kálfunum ).

Uppskrift

Hráefni :

3 dl hveiti

1/2 tsk lyftiduft

1/2 msk sykur

2 egg

3 dl mjólk

1/2 tsk vanillusykur

25g smjör

• Bræddu smjör á pönnunni við miðhita
• Settu hveiti , sykur, lyftiduft í skál
• Þeyttu saman egg og mjólk og settu vanillusykurinn út í eggjablönduna
• Helltu helmingnum af mjólkurblöndunni í þurrefnin og hrærðu degið strax með þeytara þar til það er kekkjalaust
• Hrærðu bræddu smjörinu saman við og síðan afganginum af mjólkurblöndunni
• Búðu til pönnukökurnar.
   



10 ár

Seinasta föstudag áttum við hjónin 10 ára brúðkaupsafmæli.  Þetta er buið að vera yndislegur tími, við höfum gengið í gegnum margt saman bæði gott og slæmt en enn  erum við jafn sterk og við vorum þegar við gengum upp að altarinu.

Ég fékk þessar rósir í tilefni dagsins, þær eru keyptar beint frá bónda í Mosfellsdal, ofboðslega fallegar.  Við áttum yndislegan dag saman hjónin.  Gerðum íbúðina hreina, fórum í sund, nutum þess að vera 2 ein saman, barnlaus því strákarnir voru hjá mömmu og Önnu Maríu og fórum út að borða.  Prófuðum stað á Snorrabrautinni sem heitir Roadhouse.  Ég fékk rosalega gott salat þar og franskarnar sem Kiddi fékk með hamborgaranum sínum voru æðislegar ( ath ! þetta er ritað af konu sem borðar venjulega ekki franskar ).