Kjóllinn Alda

Enn bætist við kjólinn Öldu, afskaplega fallegur kjóll og skemmtilegt að prjóna hann.  Yndislegi bleiki liturinn er unun að vinna með og skemmtileg tilbreyting frá dásamlegu strákaflíkunum :)

Garnið sem ég prjóna úr, bómullargarnið Alba frá BC garn.

1 dokkan búin

2 dokkur búnar :)

14. ágúst : Nú hefur morguninn farið i það að rekja upp það sem ég gerði i gær vegna villu sem ég gerði.  Frekar mikil tímaeyðsla að gera svona asnalega villu og það er ekkert skemmtilegt að rekja upp við gataprjón. Jæja ég er að komast á réttan stað, þetta kennir mér líka að nota hjalparband !

3 dokkur búnar.  Breytti efri hlutanum lítillega , fækkaði lykkjunum mun meir en uppskriftin segir til um þar sem mér fannst kjóllinn annars verða svo víður og stór.

 

Kjóllinn klár, eingöngu eftir að hekla i kringum ermarnar og setja tölu og ganga frá endum.

 

 

Kjóllinn tilbúinn, þá er bara eftir að finna sæta fyrirsætu sem vill máta kjólinn fyrir mig :)

kennslumyndband

Fann þetta á youtube :)  Aðferð til að fella laust af.

Klifurkötturinn minn

Víkingurinn minn er sko ekki lofthræddur.  Það sýndi hann og sannaði á úlfljótsvatni um verslunarmannahelgina.  Þar er klifurturn og hann klifraði hann alveg upp á topp og fannst mömmunni nóg um ( enda afskaplega lofthrædd ). 

Fyrsta dokkan

Ég tók auðvitað prjónanna með mér í útileiguna um verslunarmannahelgina.  Við skelltum okkur á Úlfljótsvatn með mömmu, Önnu Maríu móðursystur minni og Benna bróður mínum.  Ég notaði nokkur tækifæri meðan strákarnir voru á róló eða i göngutur með hinum og þessum í fjölskyldunni ( eg skellti mér líka í göngutúr með strákunum ) og naut lífsins a meðan og prjónaði.  Ég náði að prjóna 1 dokku í kjólnum Alda frá litlu prjónabúðinni.  Það er 2,5 munstur af 9 í kjólnum.  Yndislegt að sitja í útileigustólnum sem ég keypti mér í byko fyrir helgina og prjóna í góða veðrinu.

Ég set svo mynd af mér að prjóna í útilegunni þegar ég fæ myndirnar frá bróður mínum ( okkar vél varð batteríslaus ).

Næsta verkefni og fyrrum verkefni

Næsta prjónaverkefni :)

Alltaf skemmtilegt að byrja á nýjum verkefnum og nu er ég búin að ákveða hvaða flík verður fyrir valinu.  Kjóllinn Alda úr litlu prjónabúðinni verður prjónuð um leið og ég hef klarað 3 peysur sem eru komnar á lokastig. 

Hérna eru garnið sem ég ætla að nota í kjólinn, yndislega mjúkt bómullargarn.  Þar sem ég á stráka þá nota ég hvert tækifæri til að prjóna bleikt og kjóla :)

Ég náði að klára peysuna á Víking Atla i gær, prjónaði seinustu umferðinar á slyso ( eg er  alltaf með prjonadótið með mér ef timi skyldi verða til svo ég geti gripið í þá ).  Kári Steinn húrraði niður litla brekku á hjoli hjálmlaus og fékk þessa svaka kúlu á hausinn.  Sem betur fer er hann með harðan haus og fekk engan heilahristing en var ansi þreyttur allt gærkvöldið.  Þvi miður gleymdist að taka mynd af kulunni hehe þvi hún var horfin í morgun, bara sárið eftir. 

Hér á eftir að ganga frá lausum endum og koma peysunni svo til tengdamömmu sem saumar hana og klippir og þá get ég prjónað lista á peysuna og fest á hana fallegu tölurnar sem mamma keypti handa mér. Fallegu tölurnar eru úr birki.

Hinar 2 peysurnar sem ég á eftir að klára eru 1 lopapeysa sem ég á eftir að ganga frá kanti og festa á tölur og svo önnur úr 2x kambgarni en þar er aðeins meiri vinna eftir ( 1/2 ermi og allur bekkurinn er eftir hehe ).

Nauthólsvík

Við fjölskyldan skelltum okkur í nauthólsvíkina um daginn og prófuðum sjósund.

Hér er Víkingurinn minn klár í slaginn.

Með flottu sundgleraugun sín sem eru með styrkleika :)

Duglegur er hann Víkingurinn :)

Hlaupa i sjonum, Kári Steinn að mana sig að fara út i sjóinn

Nei honum leist ekki alveg nógu vel á þetta.

Sundgarparnir mínir en þegar Kiddi var að koma upp úr þa óð Víkingurinn út í til hans og var ægilega montinn með sig :)

Skólapeysa i vinnslu

Stóri strákurinn minn er að fara að byrja í skóla.  Alveg ótrúlegt hehe.  Eg ákvað að prjóna handa honum peysu sem hann geti verið í inni i skólanum :)  Ég sá þessa sætu peysu a´forsíðu á Tinnu Ýr nr. 41 ( minnir mig, Kári Steinn reif forsíðuna af haha ).  Ég hef reyndar prjónað hana áður á Kára Stein úr lanet garni en núna nota ég kambgarn.  Ég nota líka stærri prjóna , nota prjóna nr. 3,5 og 4 i stað 2 og 2,5.  Þetta kemur ansi vel út þótt ég segi sjálf frá. 

Hérna sést peysan sem ég prjónaði handa Kára Steini, lanetull , prjónar nr 2 og 2,5 ( eilífðarverkefni ).  Núna ætla ég að hafa hana opna með rennilás, mjög spennt að sjá hvernig hún muni koma út.

Ekki mikið eftir :)